O 2021 despídese coa triste nova do pasamento repentino de Xaime Mateo, vocalista e batería d’Os amigos dos músicos, a banda ourensá que nos trouxo as máis fermosas e melancólicas cancións en galego dos últimos anos. Coa súa sensibilidade pop que remite a certo folk americano, teñen composto e interpretado máis dunha panxoliña por estas datas. Compartimos hoxe esta ‘Panxoliña do poeta’, con moita saudade e agarimo para Os amigos dos músicos e toda a familia do pop galego. Bo Nadal, e todo medre.