Aprendemos moitísimo durante toda a nosa estancia en Rajasthan da súa cultura e sobre todo da súa música, da que vimos enamoradas.

Tal e como mostra a foto, custounos moitísimo marchar de alí, choramos moito e deunos moitísima pena despedirnos daquela xente coa que convivimos tantos días. Alá temos unha familia e viceversa... Volveremos!

Durante os nosos ensaios estas mulleres sempre estaban alí caladas, escoitándonos. Traballaban limpado a sala de ensaio e agradecéronnos facerlles máis levadeiras as horas de traballo.

As viaxes en avión foron insufribles, moito cansazo, moitas horas de espera, e moitísimas horas no avión. Todo ese tute que nos metemos mereceu a pena.

Cando comezamos esta viaxe todos dicíamos "se non nos enfadamos, imos ser amigos para sempre," e así foi, a nosa relación aínda se fixo máis forte. Anusha, foi a nosa intérprete, a chica que nos acompaña na foto foi a que nos alegrou a viaxe, unha máis do grupo. Viviu a nosa experiencia como se tamén fora a súa, querémola moitísimo e todos esperamos vela moi moi pronto.

Unha das cousas que non nos gustou nada da India foi a sua gran contaminación e a cantidade de lixo que hai tirado pola rúa.

Os nenos alucinaban coa xente de fóra,  e nós con eles.

Vivimos moitos momentos alucinantes e este foi un deles, as súas danzas son incribles e teñen moitos rasgos parecidos ás nosas.

Sempre estarán no noso corazón todas as persoas que coñecemos na viaxe. Levamos amigas e amigos para toda a vida.

Mergullámonos de cheo noutro mundo totalmente diferente ao noso, que fixo que nos decatásemos do afortunadas que somos e de todo o que o mundo ten que cambiar e mellorar. Un lugar cheo de pobreza, lixo, caos e miseria, mais cunha xente que é encantadora

Esta vai por despedida.