Fanny & Alexander versionan a "Panxoligna de amor R5" de Familia Caamagno

xoves 22, decembro 2022

Un dos máis firmes propósitos de ano novo de FANNY & ALEXANDER logo da súa volta é escribirlle unha carta de amor á música contemporánea galega en forma de versións. Unha sorte de mixtape coa que irán liberando ao longo do ano reinterpretacións dos seus clásicos galegos favoritos das últimas décadas. Ben poderían comezar coa versión electrónica do "Viva a nosa unión" de Xenreira ou coa revisión shoegaze do "Rebolando x ti" de Verto,, mais tendo en conta a época do ano na que estamos prestoulles moito máis comezar coa fermosísima "Panxoligna de amor R5" dos seus admirados Familia Caamagno.

Créditos

Fanny & Alexander versionan o clásico "Panxoliña de amor R5" de Familia Caamagno

Tamén che interesa

A túa ausencia neste ar. Volven Fanny & Alexander, 12 anos despois.

«Un novo álbum no que, coma o mariñeiro embarcado, a emigrada retornada ou o exiliado político, voltan a casa na percura do que foron». Así presentan Fanny & Alexander o seu cuarto álbum tras 12 anos ausentes da música galega. A túa ausencia neste ar é un disco de querencia conceptual no que «todas as cancións xiran arredor da perda, da ausencia, do que se pode perder nun simple xiro argumental da vida: os pais, os avós, un fillo, o amor, a consciencia dun mesmo, a individualidade coma persoa...».