O vigués Carlos Ordóñez, prolífico músico da vangarda electrónica underground dos 90 e principios do 2000 (Prozack, Gauss, Grado 33), regresa cun novo traballo discográfico que verá a luz os próximos meses da man de Ferror Records, e do que xa temos un adianto, con videoclip incluído. O tema chámase "Retortoiro" e fala dun lugar do mesmo nome, na parroquia de Loureiro en Cotobade, que lle serve ao músico de refuxio vital e creativo. A partir del o realizador Juan Lesta creou unha peza audiovisual chea de maxia, beleza e misterio.