Måi enche de luz o dó con "Altair"
"Altair" é unha canción de Måi que forma parte do seu novo álbum Nigredo, escrita por Iseo Agilda e Tomás Ageitos, con Margarida Mariño ao cello e a masterización de Dr Chou. Judith Adataberna dirixe este videoclip «traendo á luz o que só existía entón como unha idea e un son».
"Altair" é un tema moi especial para Iseo, a voz da banda Måi, que o escribiu como un proceso catártico no que afondaba na relación coa súa nai durante o dó polo seu pasamento. «É unha canción chea de melancolía, de amor, de luz. E para expresar esa emoción e esa luz, contamos co talento de Pablo Kauffman na dirección de fotografía, que conseguiu unhas atmósferas moi expresivas e emocionantes, dando lugar a un vídeo cheo de maxia e moi evocador», explican.
Actuarán en directo este venres 24 na Gentalha do Pichel, en Santiago de Compostela; o 1 de abril na Festa da Chuvia en Rianxo; e o 2 de abril na Arca da Noe, en Vilar de Santos.
Créditos
Idea orixinal e dirección - Judith Adataberna
Dirección de fotografía - Pablo Kaufmann
Estilismo e maquillaxe - Graciela Ramil
Vestiario deseñado por Irina Gaidai, da colección "Chaperon Rouge"
Edición e cor - Judith Adataberna
Asistencia técnica - José Vázquez Cordón
Asistencia técnica e máquina de fume - Marta Ferrer Ucelay
Actrices - Maria Eugenia Alvariña Meira e Iseo Agilda
Loxística - Iseo Agilda
Produción - Judith Adataberna